www.ALBERSABER.com
متحرش بالعقول المغتصبة -- ثورة علي المقدسات و الموروثات

Friday, July 17, 2015

استخدم عقلك

7/17/2015 12:36:00 PM

Your Mind
بنقل لشقة جديدة و تقريبا أعلنت إفلاسي ، بكلم صديق معاه عربية هنا في نفس المدينة عشان أنقل كام شنطة لقيته محتاج مبلغ صغير شوية وكمان هو بيخلص شغل متأخر و بيكون مجهد جدا :/

و بما إني كبرت وعرفت أن مفيييييش - "بصوت السيسي" - مصباح علاء الدين ولا جن ولا ملايكة ولا آلهة ، وحتي لو اعتمدت علي اله مش قيدر نزلي من السما الشنطة ال فيها مليون يورو ، هنا مفيش غير عقلك ال ينفع تشغله ويعمل معجزات ، علي الرغم اني ليا فلوس مع ناس وهي بتكبر دماغها بس هأقدر أتصرف بحلول تانية وكتير كمان .

طول ما أنت عايش في عالم متغير و تعرف تتعامل مع المتغيرات دي هتقدر تعمل حاجة حتي ولو مش حاجة كبيرة بس أنت تقدر لو أستخدمت عقلك .

ملحوظة : عشان بعض الناس بتفهم حاجات مش موجودة أو مقصودة ، أنا لا أقبل تبرعات أو مساعدات ، بعرف أتصرف :p

لو حد إستظرف هيلاقي طول لساني المعهود .

كتبها : ألبير صابر , الجمعة 17 - 7 - 2015 , نيوشاتيل ,سويسرا

Wednesday, July 1, 2015

مزايدات و المزاد شغال

7/01/2015 10:48:00 PM

مزايدات و المزاد شغال
مزايدات و المزاد شغال

من ساعة تفجير النائب العام و أنا متوقع ان الجاي أكبر و قد حدث و يحدث
ال مكنتش متوقعة أن الاقي ناس بتزايد عن الباقيين و كأنهم يحتكرون صكوك الوطنية و الانتماء
المشكلة من في المزايدات ولكن المشكلة في انه بيتهم اي حد مختلف معاه أنه خاين و عدو
نفس مشكلة الدين لو انت مش معانا تبقي كافر و عدو
الأعجب أني شايف ال بيزايدوا و بيخونوا دول هما اكتر ناس بينتقدوا الفاشية الدينية !!

متنخدعش في أي شخص بينتقد فعلا ما لأن في ناس كتير بنتقد الشيء فقط لأنه مش ليها ولكن عليها ، و من هنا تعرف أن المباديء لا تجزاء ، هي حاجة بتاخدها كده زي ماهي سواء كانت ليك أو عليك .

ولو بنتقد أمر وأنت بتعمل نفس الأمر ده تبقي كذاب .

المشكلة من مكافحة الإرهاب ، المشكلة في طريقة و تطبيق هذة المكافحة أو الحرب .
ممكن تنظر و تتفلسف و تعمل محلل سياسي للصبح بس متخونش حد يختلف معاك ، حاول تبقي محترم .
لان كلامك لا هيزود ولا ينقص ولكن مزايداتك و تخوينك مش هتسمحلي أحترمك مش أكتر .
و التخوين زي التكفير بالظبط بيؤدي هدر الدماء

يعني حضرتك إرهابي ولكن بشكل مختلف حتي لو شكلك حلو ولكنك وجه آخر للإرهاب التي بتدعي إنك بتحاربه وضد .

الإرهاب مش لازم يكون ماسك سلاح عشان يقتلك ، هو يقدر يحرض ضدك بس ؛) .

كتبها : ألبير صابر ، الأربعاء 1 - 7 - 2015 ، نيوشاتيل ، سويسرا .

About Us

Recent

Random