www.ALBERSABER.com
متحرش بالعقول المغتصبة -- ثورة علي المقدسات و الموروثات

Friday, May 30, 2014

كنت سأحترم الله أو رسله أو كتبه لو ( العلم \ دين )

5/30/2014 12:32:00 AM
Respect


كنت سأحترم الله أو رسله أو كتبه لو

لو كان أدم أكتشف قانون الجاذبية من التفاحة مثل نيوتن

لو كان أخبر نوح بنظرية التطور بدل من أن يجمع الحيوانات في السفينة الأسطورية

 لو كان أخبر أبراهيم إلغاء العبودية بدلا من زواجة من الجارية هاجر

 لو كان أخبر موسي بأكتشاف الكهرباء و أستخدامها بدلا من تحويل العصي الي ثعبان

 لو كان أخبر المسيح بعلم الطب و الدواء بدلا من السير علي الماء أو الطيران في الهواء

 لو كان أخبر محمد بعلوم الفيزياء أو الذرة أو الفضاء بدلا من نكاح النساء و قتل القبائل الأخري
أو لو علمنا محمد المساواة بين الرجل و المرأة بدلا من قولة أنهم ناقصات عقل و دين


 كنت سأحترم التوراة أو الإنجيل أو القران لو
أخبروا بالإعلان العالمي لحقوق و المواثيق و المعاهدات الدولية لحقوق الإنسان و المراءة و الطفل
بدلا ما علمونا العنصرية و أن الآخرين لهم عذاب في الدنيا و الأخرة

 كنت سأحترهم لو قدموا لنا علوم حقيقة تنفع البشر الجميعا مثل الخوارزميات أو علوم الجبر و الحساب أو علم الجينات أو علوم الفضاء و المجرات بدلا من الخرافات و الأساطير

عفوا يا أيها الأله أنت و رسلك و كتبكم لا أستطيع أن أحترمكم أبدا لكل ما فعلتوه لنا

الدين شيء و العلم شيء أخر
الدين مجموعة من النصوص الثابتة
العلم شيء متغير و متطور
مش هينفع نخلط بينهم
زي ماهو مينفعش نخلط الدين بالسياسة
كذلك ماينفعش نخلط الدين بالعلم

و الدين و فكرة اله هي مجرد أفكار فلسفية
العلم لن يقول لنا أن هناك اله أم لا
ولكن العلم سيقول لنا أنه لا يوجد فكرة شيء هناك بالأعلي
لأن الأرض تلف حول نفسها و حول الشمس
ليس هناك شيء بالأعلي لأن الأرض ليسة ثابته

لذلك من الأفضل أن يكون الدين و مجرد فلسفة فقط
و الرد عليها بكون بالفسلفة فقط

الدين يحتمل وجهات النظر و لكن العلم ليه فيه وجهة نطر

أفصلوا الدين عن العلم لأن الدين لن يقول لنا علي طرق الطهي مثلا أو طريقة علاج ألأنفلوزا أو الأمراض عموما
لو قررتوا تواجهوا الدين بالعلم
الدين سيخسر الكثير

لو تحب تشوف الفيديو بتاع المقال :
http://youtu.be/wzEn0evd0z0

Wednesday, May 28, 2014

شكرا مصر

5/28/2014 01:32:00 PM
أتجاة واحد فقط
من نعم بلدي مصر عليا

أن يكون عيد ميلاد أختي الوحيدة النهارده
ومقدرش أخدها في حضني ولا أقضي معاها عيد ميلادها
لأني محكوم عليا بالنفي خارج بلدي

مهما يكون التواصل بالتليفون
ولا حتي فيديو
مش زي أني أخدها في حضني ؛(

بفتكر لما قلتها ﻷختي و لحبيبتي قبل ما أسافر من مصر
أكون مسجون و بشوفكم و أخدكم في حضني مرة لمدة 15 دقيقة كل اسبوع
أفضل من أني أكلمك 24 ساعة صوت و صورة

عارف أن في كتير مستعد يضحي بحياته
عشان بس يخرج من مصر
و كتير بيحسدني علي سفري

أعتقد أني كنت هوافقهم لو كنت خرجت بمزاجي
ولا أنا أقدر أرجعها بمزاجي
بس معلش ال مبيعرفش بيقول عدس
و ال أيده في المية مش زي ال أيده في النار
عموما كان عندي حق
لما كنت بقول أني أتسجن
و أشوف أختي و أهلي مرة كل أسبوع
لمدة 15 دقيقة - نظام الزيارات في السجن - أفضل من أني
أكلمها طول الوقت ولكني مش قادر أخدها هي ولا أبنها في حضني
و خصوصا أن النهاردة عيد ميلادها

Tuesday, May 20, 2014

سؤال

5/20/2014 07:40:00 PM
question

 ليه بشوف ناس كتير بتحمل صور من صفحة او بروفايل و بترجع ترفعها تاني ع الفيس بوك
ليه الناس بتعمل كده ؟

بصرف النظر أنها نوع من السرقة
ولكن لما هتعملها شير هيكون أسهل بكتير

صحيح نسيت أذكر أن في بيعملوا كده مع البوستات كمان مش الصورة بس
ليه كده ؟

Sunday, May 18, 2014

الوهم

5/18/2014 04:55:00 PM
JESUS
الدين‬ هو أسهل طريقة لجعل الناس تصدق أي كلام
كل يوم أحد يقوم المسيحين ببعض الطقوس علي قطعة من الخبز و بعض النبيذ
و يعتقدون انه يأكلون جسد و يشربون دماء حقيقين
يعني هم مصدقين انه بياكلوا جسد الههم و بيشربوا من دمه

شفتوا وهم أكتر من كده ؟؟؟

Shooting at an Egyptian because he is an atheist.

5/18/2014 12:31:00 AM
Amr Kamal
The Arabic Article -  المقال بالغة العربية  :  http://www.albersaber.com/2014/05/amr-kamal.html

Amr went out of his home to find the bullets of extremism and treachery waiting for him.
He was badly injured & was transferred to Damanhur public hospital.
Cartridge shots were fired on him & hit his leg and caused bleeding which necessitated a blood transfusion.

Till now he is unconscious It is worth mentioning that Amr was subject to an assault and an attempt of murder on Tuesday, May 6th, 2014 by 4 extremists which resulted in an incised wound and some bruises.





Frist offensive on 6 may 2014




The first injury According to Amr' personal account he was treated badly because of his beliefs by the hospital staff and even in the police department who told him that either he waives or he enters prison with those who assaulted him with even ill-treatment.
Moreover, his lawyer renounced his case.

All of this because Amr is an Atheist And the question shall remain,
for how long the situation of atheists shall remain like this?
And where the law and the state, that supposedly does not discriminate citizens according to their beliefs?
And who is the next Amr Kamal ...???

Written on Saturday, May 17th, 2014 - Switzerland - ALBER SABER

Saturday, May 17, 2014

إطلاق النار علي شاب لأنه ملحد في مصر

5/17/2014 09:58:00 PM
Amr Kamal - عمرو كمال




 

عمرو كمال هو شاب في الثانية و الثلاثين من عمره
كان ذاهب الي عمله في اليوم الأول بعد فترة راحه نتيجة أعتداء بعض المتطرفين عليه بالمطاوي منذ عشرة أيام
خرج من منزله ذاهب اللى عمله و هناك من يقف منتظره ليطلق عليه نيران التطرف و الغدر لتصيبه و كانت الأصابة خطيرة وتم نقله علي أثرها الي مستشفي دمنهور العام
تم أطلاق خرطوش علي عمرو كمال لتصيبه في رجله و تسببت في جرح و نزيف أستلزم له نقل دم
وهو فاقد الوعي حتي الأن

ومن الجدير بالذكر ان عمرو تعرض لمحاولة قتل وأعتداء يوم الثلاثاء 6 مايو 2014
من قبل 4 متطرفين و أدت الى اصابته بجرح قطعي و بعض الكدمات
 
الأصابة الأولي
و حسب ذكر عمرو علي حسابة الشخصي أنه لاقى معاملة سيئة بسبب معتقداته من المستشفي و حتي في قسم الشرطة الذي قال له أنه أما أن يتنازل أو أنه يدخل الحبس مع الذين اعتدوا عليه


المعاملة في المستشفي

في قسم الشرطة 1

بل و سوء المعاملة و تخلي المحامي عنه أيضا
و كل هذا لأن عمرو ملحد ؟!؟

المحامي


و لكن سيبقي السؤال إلي متي سيظل وضع الملحدين هكذا ؟
و أين القانون و الدولة التي لا تمييز المواطنين حسب معتقداتهم ؟
و من هو عمرو كمال القادم ... ؟؟؟
أخر ما كتبه عمرو كمال علي حسابه











كتبت في السبت 17 مايو 2014 - سويسرا - ألبير صابر .

Thursday, May 15, 2014

قبل أن تشتموا ريهام سعيد

5/15/2014 11:02:00 PM
REHAM SAEED
أتمني من الناس ال عمالة تشتم ريهام سعيد :

أولا أنا لا أتفق مع أسلوبها الغير محايد أو محترم
ولا موضوعاتها و الخزعبلات و الدجل ال هي مركزة عليها

و لكن :
ال بيشتموا دول ولا ال بينشروا صور ريهام الفاضحة
لو بصيت في كلام ريهام نفسه هتلاقي نقط كتير محل نقد
كنت هأحترمهم أكتر لو انتقدوها بالأدب و بالعقل

و ده مبدأ عام بحاول التزم بيه
و مش مع الأشخاص بس و لكن مع الأفكار- الأديان أيضا
الشتيمة أسلوب رخيص جدا و سهل اي حد يعمله
ولكن النقد بموضوعية و بأدب شيء صعب

Tuesday, May 13, 2014

أحال أيمن رمزي إلي النيابة العامة بتهمة الإلحاد

5/13/2014 09:36:00 PM
Ayman Ramzy

تم اليوم : الثلاثاء 13 مايو 2014 
أحال أيمن رمزي إلي النيابة العامة أمين مكتبة بمدرسة التربية الفكرية بإدارة روض الفرج التعليمية
بتهمة اعتناقه وترويجه لأفكار إلحادية وإنكاره وجود الله وإنكاره الأديان
و ذلك بعد موافقة الدكتور محمود أبو النصر، وزير التربية والتعليم و بعد أن انتهت تحقيقات الشؤون القانونية بالوزارة في الشكاوى التي وردت ضده

 حيث أحال الدكتور محمود أبو النصر  مذكرة إلي الشئون القانونية ضد أ\ أيمن رمزي . وإبعاده عن العمل بالمدارس نهائياً وخارج نطاق المنطقتين الشرقية والشمالية لحين البت النهائي في أمره بمعرفة النيابة الإدارية والمحكمة التأديبية مع تكثيف المتابعة على المدرسة التي كان يعمل بها

و قد صرحت الشئون القانونية بأن ما قام به أ\ أيمن رمزي أنه  يعد أزدراء أديان وحسب زعمة أنه تهديد للسلم والأمن الاجتماعي

 كما تم إبلاغ النيابة العامة، بصورة رسمية من مذكرة التحقيقات والأوراق لاتخاذ اللازم فيما يتعلق بالشق الجنائي

مصادر الخبر :

 موقع مصراوي
www.masrawy.com/news/Egypt/Politics/2014/May/13/5899928.aspx

الوطن
https://www.elwatannews.com/news/details/480971

صوت الأمة
http://www.soutalomma.com/articles/72748

Wednesday, May 7, 2014

الحكم علي رائف بدوي بالسجن 10 سنوات و 1000 جلدة و مليون ريال سعودي غرامة

5/07/2014 01:05:00 PM
رائف بدوي

حكمت المحكمة الجزائية بجدة علي المدون و الناشط الحقوقي رائف بدوي ب السجن 10 سنوات و 1000 جلدة و غرامة مليون ريال سعودي
و قد نقلة جريدة سبق الالكترونية السعودية الخبر و تم الـتأكد من صحة الخبر من زوجة رائف بدوي شخصيا

و جدير بالذكر أن رائف هو مؤسس الشبكة الليبرالية الحرة  التي يتم محاكمة بسببها
و انه في شهر رمضان كان الحكم عليه بالسجن 7 سنوات و 3 أشهر و الجلد 600 جلدة
و كان هناك محاولات لأتهامة بالرد و هو ما لم تراه المحكمة

رائف متزوج و لديه أبنتين و ولود وهم يعيشون الان في كندا
بعد محاولات الاهل لتفرقيهما عن طريق القضاء و أخذ الأبناء منهم
مما جعلهم يبحوث عن وطن أمن يعيشون فيه

رائف بدوي مسجون من يوم 18 - 6- 2102 حتي الأن
في21-7-2012 تم الحكم عليه بالسجن 5 سنوات و 3 ملايين ريال سعودي غرامة
و في 29-7-2013 تم الحكم عليه بالسجن 7 سنوات و  الجلد 600 جلدة و غلق موقع الشبكة الليبرالية الحرة

و جاري التأكد من درجة الحكم إن كان حكم نهائي أو أنه قابل للطعن أو الأستناف

الأربعاء 7 مايو 2014

Friday, May 2, 2014

الفكر و الإرهاب : الملخص المفيد

5/02/2014 01:36:00 PM
الحرية لكل المسجونين باطل




مقدمة
لو سمحت عايز تفهم او تنتقض او تعقب على الكلام ده ياريت تكمله للاخر لانهم 3 نقط مكملين لبعض مش هاينفع تاخد جزء واحد من الكلام او تسمع جزء وتبني فكرك عليه و مش هاينفع تاخد جزء واحد وتسيب الباقي زي اللي ياخد نص اية لا تقربوا الصلاه ومايكملهاش للآخر ويقول وانتم سكارى
لو عملت كده تبقى انت يا اما جاهل يااما مضلل يا اما انت بتضحك على نفسك

اولا ...
عمر ماهايكون الاعدام ( قطاعي او جملة ) او السجن المؤبد او السجن اساسا بشكل عام او الاعتقال او الحرم و المنع و قرارات الحظر لأي شخص او فكرة هايكون هو الحل للقضاء على هذه الفكرة .
محاربة اي فكرة و القضاء عليها هو تفنيدها و نقضها وضحضها بفكرة مقابلة لان محاربة الفكرة تكون بفكرة مقابلة و الكلمة بالكلمة .
لو قمعت اي شخص متبني فكر معين القمع بيدل انك انهزمت قدام الفكرة دي ومش قادر تواجهها وهايجعل من الشخص او الجماعة اللي بتقمعها دي بطل و بتخالي فكره يتأصل عند ناس كتير .
حاربوا الفكرة بفكرة و الكلمة بكلمة لا بالقمع و لا الارهاب
سواء كانت فكرة سياسية او دينية او اجتماعية
و قيس على كده وضع الملحدين في السعودية و مصر و دول الشرق الاوسط بشكل عام ، جماعة الاخوان المسلمين و أنصارها ، حركة شباب 6 ابريل و انصارها .
وهاطرح مثالين من التاريخ ..
اولهم : الاخوان المسلمين في مصر
و ياريت ماننساش ان اعدام سيد قطب او القمع اللي حصل على جماعة الاخوان المسلمين في وقت من الاوقات مقضاش عليهم بل العكس جعلهم ينتشروا اكتر و في وقت من الاوقات الشعب اختارهم وايدهم سواء في التعديلات الدستورية مارس 2011 او حتى فيما بعد في مجلس الشعب او الرئاسة او الدستور الخ .
ثانيهم : اليهود و النازية الالمانية
نازية هتلر و الوحشية اللي اتعامل بيها مع اليهود سببت حاجتين
اولا لم يتم القضاء على اليهود بل بالعكس القلة القليلة جدا اتجمعوا واتحدوا وعملوا دولة مستقلة قوية و مش كده و بس و اليهود الان اصبحوا  القوى المسيطرة على العالم و على صناعة القرار في امريكا نفسها
اذا الابادة و القتل والقمع مكنش حل ولكنه دخلنا في مشكلة اكبر و اصبحت الجماعة المضطهدة و المنبوذه من كل دول العالم اصبحوا القوى المسيطرة ولها كلمة قوية ومسموعه في العالم
وتاني مشكلة نشات وظهرت تطرف و نازية وغرور الشعب الالماني نتيجة تطرف هتلر و اللي من وجهة نظري ان الالمان حتى يومنا هذا مازالوا يعانون من هذه المشكلة في شعبهم ومش كده وبس ولحد النهارده بيدفعوا ملايين سنويا لليهود
المختصر المفيد من المثالين دول ان اي قمع واستخدام للقوى بييجي بنتيجة عكسية والتمن في النهاية بيتدفع اضعاف مضاعفة
عمر مالحرق او القتل او السجن ماغير فكرة
لو كان تم القضاء عالفكرة والافكار بتاعتهم فعلا وماكنش تم قمعهم ماكنش حد اختارهم حتى لو اتحججنا ان الشعب جاهل و فيه كل العبر
وبصرف النظر اذا كنت فعلا عايز تمشي بالديمقراطية اللي الكل بيتغنوا بيها هانتكلم بشكل واقعي وعملي ونقول
لو كانت الدولة  والمثقفين و منظمات المجتمع المدني و الحركات السياسية و الشبابية قدروا ياثروا في الشعب اللي احنا بنتحجج دايما ونقول انه هو جاهل ومتخلف مكنش الجماعات دي وصلت في يوم من الايام للحكم ومكنش قدر اي ديكتاتور غيرهم انه يوصل
عمر مالقمع او السجن او القتل او الحرق ماغير فكرة والتاريخ و الامثلة فيه لا حصر لها وتشهد عالكلام ده
وبكده هاننتقل للنقطة الثانية .

ثانيا ...
جاليليو رغم انهم اتهموه بالهرطقه واتحاكم محاكمة تفتيش فكره ماتغيرش ولا المقتنعين بافكاره فكرهم اتغير
ونجيب مثال تاني من التاريخ القريب ، مصر شهدت في اخر 3 عقود من القرن العشرين ( السبعينات و التمانينات و التسعينات ) تيارات متطرفة و ارهابية و قامت بعمليات كتير منها اغتيال فرج فوده و محاولة اغتيال نجيب محفوظ و بعض العمليات و التفجيرات الارهابية الاخرى
الدولة قبضت على معظم اعضاء هذه الجماعات و المنتمين لافكارهم  - و بصرف النظر عن بعض الامور اللي انا شايف ان هي اخطاء و هاتكلم عنها في اخر النقطة دي - الا ان الاجهزة الامنية عشان تبين ان فعلا في ديمقراطية و في حرية وحقوق انسان اتعاملت بشكل سياسي مش امني وقدرت تعمل صفقة مع الجماعات دي و هي المراجعات الفكرية
و بالمراجعات الفكرية دي تحول جزء كبير من الناس دي من مجرمين الى أفراد صالحة بناءة لهذا المجتمع وهاذكر منهم مثالين برضه
المثال الاول :
الدكتور " ناجح ابراهيم " من بعد ماكان ارهابي اصبح صاحب احد الاقلام القوية و المؤثرة وله العديد من الكتب التي تدحض الفكر الديني الارهابي المتطرف بفكر اخر ينبذ العنف ويحاربه ومن الدين ايضا و بعد ماكنا هانخسر جندي و فارس قوي في معركتنا كسبناه وحولناه من مجرم لانسان صالح ومحترم و نافع
و المثال التاني :
شخص مش مشهور قوي و لكن لو بحثت عن اسمه هاتعرف قصته وانا اعرفه شخصيا وهو " أسامة عثمان " من بعد ماكان احد الناس الارهابيين و عايز يفجر نفسه ويقتل الناس اصبح الان شخص علماني و يحارب التطرف الديني
و طبعا في ناس كتير زيهم ممكن اكون معرفهمش او يكونوا مش مشهورين كفاية وسمعنا عنهم ولكن احنا كسبناهم وحولناهم من مجرمين لناس صالحة عايشين وسطنا وبينفعونا دلوقتي و بينفعوا نفسهم وغيرهم الى الان
عند الجملة دي اثناء نقاشي انا وحبيبتي سالتني سؤال جيد ومحترم
وهو و ليه الحكومة او الدولة متعملش كده دلوقتي ؟
وردي هو في التحفظ اللي كان عندي على اداء الدولة قديماً والان وهو ان الدولة مش عايزة تقدم حل حقيقي
لاننا دايما بنسيب الحمار ونمسك في البردعه يعني لو بصينا زمان هانلاقي ان الدولة سابت المحرضين الأساسيين وهو المجرم الأزهري الشيخ محمد الغزالي الذي افتى بان فرج فوده مرتد وحاكمت الشباب الجاهل الغير واعي الغير متعلم الملعوب بعقولهم وحكمت عليهم بالسجن
ونظرا لان الحكم كان انتقام و كان بيتم تعذيبهم يوميا و اللي مات على اثرها احدهم في السجن و الذي ادى الى تطرفهم  حيث خرج احد المشتركين في الجريمة بعدها  و قال لو عاد بيا الزمن ساكررها مره اخرى و نظرا لان ما حدث كان انتقام وقمع اصبح لدينا ارهابي حر طليق بعد ان قضى العقوبة القانونية ولكن لو كان تم التعامل معهم مثل ناجح ابراهيم واسامة عثمان لكان بيننا مواطن شريف بدلا من وجود ارهابي بيننا
ثانيا الدولة لا تحمي المفكرين والمثقفين والمبدعين ولا تهتم بالتعليم ولا البحث العلمي لان من يحكمونها فعليا هم مجموعة من الفاسدين واللصوص الذين ينتفعون من نشر الجهل والتخلف و الجوع و القمع ولان اي مناخ للحرية اوالثقافة او التعلم او التقدم سوف يكشفهم و  يحرمهم من القوة التي يسيطرون بها على تلك الشعوب لذلك لن تجد اي تقدم او تعديل حقيقي بل سنجد انحدار اكثر في التعليم والفقر والقمع وهنا نصل الى النقطة الثالثة والاخيرة بحسب وجهة نظري المتواضعة

ثالثا...
الجملة المشهورة في مصر وهي ان السجن اصلاح وتهذيب وهذه هي ما ينبغي ان يكون روح القانون وهدفه
والاصلاح والتهذيب يختلف تماما عن الانتقام لأنهما بيختلفان في المضمون والنتيجة
واشهر مثل منتشر هو السرقه و ده هايرد عل  الناس اللي بتقول ان العقاب بيكون رادع عمر ماكان العقاب رادع لاي جريمة
كل دول العالم بتجرم السرقه و القتل وبتكون العقوبة مشددة جدا وحتى الان السرقه والقتل موجودان ولم ينتهوا وبكده سقطت حجة ان العقاب بيردع الاخرين من ارتكاب الجريمة
لو بصينا على السجن في اي دولة محترمة بياخدوا المجرم بيطلعوه انسان صالح وبيعامل بمعاملة ادمية ومحترمة مش اهانة وتعذيب عشان ده انسان وليه كرامه وحقوق حتى لو مذنب فإنهم ياخذون هذا اللص المجرم ويبحثون في اسباب ارتكاب الجريمة  و في الغالب بتكون اسباب مادية وللفقر وللبطالة ومن هنا يسعون لاعادة تاهيل هذا المذنب ليكون مواطن صالح ويوفرون له معالمة كريمة  محترمة وايضا العمل الذي يستطيع منه ان يعيش حياة كريمة وشريفه وبالقضاء على اصل المشكلة تنتهي المشكلة
في حين انه في بلادنا المتخلفة يتم معاملتهم اسواء معاملة وبمنتهى الاهانة فيخرج من مجرد لص عادي الى شخص مجرم وذو سوابق  و يحمل من القمع والسخط والكراهية ما يكفي لتدمير نفسه والمجتمع وهذا ايضا ينطبق على الفرد قاتل فرج فوده - ابو العلا عبد ربه - والفرق بينه وبين الدكتور ناجح ابراهيم واضح جدا وهو الفرق بين الانتقام و القمع وبين الاصلاح
التدمير والقمع والارهاب شئ سهل واي انسان يقدر يعمله انما الاصلاح والتطوير والابداع شئ صعب مش اي حد يقدر يعمله
لو واجهنا الدم بالدم والعنف بالعنف فمتى ستنتهي الدائرة
الحلول الامنية والقمعية اثبتت فشلها على مر التاريخ
ومن لم يتعلم فهو المسؤل

و اخيرا
ممكن تقول عليا خاين عميل كافر ابن كذا وابن كذا وابن كذا
و عشان اريحك يا سيدي انا اسواء شخص في الكون و فيا كل العبر
اظن اني وفرت عليك تعب ان انت تقعد تشتم وتسب وتلعن ولكن انا عرضت عليك فكرتي في نقط 1 2 3
و ارجو من حضرتك برضه تكون بمستوى اعلى و افضل من مستوايا و ترد عليا في النقط دي ب 1 2 3 زي مانا عملت
و اخيرا ياريت ماتعملش لايك للمقالة او الفيديو و لا تنشرهم لانك لو متفق معايا في الكلام ده هاتعمله من غير ماطلب منك
شكرا و سلام

ممكن مشاهدة الحلقة علي الرابط التالي :
http://youtu.be/UzUAzPcjRh8

كتبت في الخميس 1 مايو 2014 - سويسرا - ألبير صابر

About Us

Recent

Random