www.ALBERSABER.com
متحرش بالعقول المغتصبة -- ثورة علي المقدسات و الموروثات

Tuesday, April 22, 2014

إن شاء الله





إن شاء الله
ناس كتير بتستخدم عبارة ان شاء الله حتى الملحدين برغم عدم اعتقادهم بوجود اله برضه بيستخدموها 
و الناس اللي بتقول ان ده تعود اتمنى الحلقة دي تخلي المتدينين قبل الملحدين يفهموا معنى الجملة الاول

1- في مصر دايما بنستخدم عبارة ان شاء الله لما نحب نعبر او نقول مش هانعمل ده 
زي مثلا لما حد يقوللك هاتعمل الشئ الفلاني او هاتيجي بكرة ؟ وبدا ماتقوله لا مش هاجي بتقوله ان شاء الله 
وقيس على ذلك مواقف كتيرة اغلب الناس بتعملها 

2- اساسا الجملة دي هي دينيا مش صحيحة
 لان المفروض ان على حسب مفهوم الاديان ان الله ادى الانسان حرية الارادة في عمل الشئ من عدمه 
اذن مينفعش تقول ان شاء الله لانك انت اللي هتعمل الشئ او لا مش حد تاني 
زي مثلا .. لو اتنين هايروحوا يرتكبوا جريمه هايسرقوا حد او هايقتلوه هل الله يشاء ان هما يعملوا كده فعلا ؟ الاجابة متروكه ليكم

3- انا عن نفسي لما حد بيقولي ان شاء الله برد عليه وبقوله 
طيب لو الله شاء وانت معملتش او الله مشائش وانت عملت هايبقى الموقف ايه ؟ 

4-وبما اننا اتكلمنا عن مشيئة الله ماينفعش نتغافل عن امر ومعضلة تاريخية وهي معضلة الفيلسوف الرائع ابيقور 
ملحوظه صغيرة قبل مانتكلم عن معضلة ابيقور الناس اللي بتقول ان الالحاد ظهر حديثا او بظهور الشيوعية هايكتشف انه كداب سواء كان مضلل او موضلل لان ابيقور هو فيلسوف من حوالي 2300 سنة يعنى حتى من قبل المسيحية و الاسلام يعني الالحاد مش حاجه جديدة ولا ظهرت مع الفكر المادي او الشيوعي

معضلة ابيقور ...
اذا كان الله يريد ( يشاء ) محو الشر و لا يستطيع فانه ليس كلي القدرة ( ضعيف )
وان كان يستطيع محو الشر و لا يريد فانه ليس بخير ( شرير ) 
ان كان لا يستطيع ولا يريد فانه ضعيف و شرير ولا يصلح ان يكون الها 
وان كان يستطيع محو الشر و يريد ذلك اذن كيف تواجد الشر 
و حتى الان لم اجد اجابة منطقية لهذا السؤال 
و اذكر ان هذا السؤال سألته وانا عمري 15 سنة تقريبا و لم اقتنع بأي من الاجابات التي سمعتها ولاكون اكثر انصافا و شمولية 
وجدت اجابة سفسطائية و لا تستطيع الإجابة على سؤالي و دي الاجابة اللي لو اي حد دور هايلاقيها :
ان الله هو الخير و البعد عنه هو الشر و دايما يضرب مثل النور و الظلمة و ان الظلمة هي انعدام وجود النور 
طبعا الإجابة السابقة اولا : لم تجب عن السؤال وهو كيف وجد الشر ، ثانيا : حسب من يدعي وجود اله يدعي ايضا ان هذا الاله غير محدود وان هذا الاله في كل مكان اذن كيف وجد الشر
في اجابة تانية قالتها احد المجاهدات المسيحيات على حسابي و هي ان الانسان له حرية الارادة وبها يختار الانسان فعل الخير من الشر فقلت لها و من اين وجد الشر فقالت بعدم طاعة أوامر الله وطبعا هذه الإجابة فيها خطا آخر وهو ان الشر موجود من قبل الانسان ( الشيطان ) لذلك الانسان برئ من ايجاد الشر فقالت لي ان الشيطان بعدم طاعته لله فقد اوجد الشر فعدت لاسالها نفس السؤال ولكن بصيغة اخرى تجنبا للوقوع في اخطاء منطقية 
كيف الله يخلق شئ و هو يعرف ان نتيجة هذا الشئ ستكون شر الا اذا كان لا يعرف وهذا سيكون موضوع اخر ؟
وحتى الان لم اجد اجابة 
على افتراض وجود اله فكيف لهذا الاله ان يخلق شيئا وتكون نتيجة هذا الشئ هي الشر ؟
ولماذا يخجل ان يعترف من يفترض وجود اله ان هذا الاله من خلق الشر او انه شرير

يمكن مشاهدة الحلقة علي الرابط التالي :
http://youtu.be/FO1JarSkSyg


 كتبت في الثلاثاء 22 إبريل 2014 - سويسرا - ألبير صابر








About Us

Recent

Random