www.ALBERSABER.com
متحرش بالعقول المغتصبة -- ثورة علي المقدسات و الموروثات

Thursday, October 24, 2013

حوار عن الايمان و الألحاد و الله بين ضد الشيطان و البير صابر

10/24/2013 11:10:00 AM

Thursday, October 17, 2013

الجلسة الثانية في محكمة التفتيش

10/17/2013 10:31:00 AM







دي كانت بعض الصورة من يوم المحاكمة

وقائع و أحداث الجلسة الثانية
تم نقلي من السجن ألي المحكمة و أنتظرت في حجز المحكمة حتي تم نقلي إلي القاعة وسط أجرائات أمنية مشددة
دخلت القاعة و وجدت حبيبتي و أختي و أمي و بعض أصدقائي في أنتظاري
دخلت القفص و المرة دي كنت عملت بعض لافتات من الزنزانة بتاعتي و كنت كاتب عليها :

أوقفوا محاكمات التفتيش في مصر
الحرية في مصر : من حقك تعبر عن رأيك ولكن من حق الدولة والقانون ترميك في السجن
هل حان وقت محاكمة طه حسين ونجيب محفوظ ومصطفى محمود
تحية لشهداء الفكرة جليليو وهيباتا وابن رشد ونجيب محفوظ وفرج فودة وطه حسين
وتسقط الدولة الدينية
السجين الحر ألبير صابر

و ده اثار العساكر و الضباط طبعا
و بعد ما رفعت الورق ده من القفص أديته لحبيبي من بين فتحات القفص و احتفظة بالورقة ال كنت كاتب فيها :
أوقفوا محاكم التفتيش في مصر
و أديت حبيبتي الورق و المقالات ال كنت بكتبها من السجن

جاء لي احد المحامين و كالمعتاد طلب مني أني متكلمش ولو القاضي سألني أقول اني مسيحي و أنفي أي شيء و أقول أني كنت تحت تهديد و ضغط عصبي
و طبعا سمعت الكلام من هنا و خرجته من الناحية التانية
و كان نفسي القاضي يسألني عن ديني كنت هأقوله : من أول يوم اتولدت فيه كتبوا في شهادة ميلادي مسيحي
زي أي طفل بيتولد في بلادنا مش من حقة يفكر أو يختار ولكنه بيورث دين أهلة
ساعتها القاضي أتأخر كتير و كانت فرصة كويسة أتطمن ع حبيبي و أختي و أصدقائي
و عرفت اديهم حبيبتي الورق بتاعي ال بكتبهولهم من جوه السجن و اخد الورق ال هي بتكتبه ليا  - عندي الورق ده لحد النهاردة - طبعا
بدأت الجلسة و نادي القاضي ع اسمي ليثبت حضوري
و هنا قلتها بأعلي صوت عندي :
أوقفوا محاكم التفتيش في مصر
وده كان أثبات حضوري للمحكمة
و بعدها وجدت احد المحامين الذين تضامنوي ضديو كان من الواضح أنه لا يعرف شيء عن القضية سوي ما يقال ضدي وهو أنني سبيت محمد
و قرات هذا المحامي أيات من القرأن وهي :
إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَادًا أَنْ يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُمْ مِنْ خِلَافٍ أَوْ يُنْفَوْا مِنَ الْأَرْضِ ۚ ذَٰلِكَ لَهُمْ خِزْيٌ فِي الدُّنْيَا ۖ وَلَهُمْ فِي الْآخِرَةِ عَذَابٌ عَظِيمٌ
المائدة 33
و ساعتها قلت وحيات امك لو خرجتلك دلوقتي هانفذ الكلام ده فيك
وقال ايضا أن تضرب المحكمة بيد من حديد لكل من يخل بأمن الوطن، وضرورة توقيع أقصى عقوبة عليا، مشيرين إلى أن ما قام به المتهم هو نوع من ''الكفر والزندقة''
و طالب الأستاذ المحامي حمدي الأسيوطي
ستخراج صورة رسمية من مرفقات تقرير الفحص الفني المودع بأوراق القضية، والاطلاع على محاضر الجلسات ليعتمد عليها في الدفاع ، ومحاضر جلسات تجديد الحبس.
و الأطلاع علي ورق القضية
فقال القاضي له ساخرا  ماتطلع عليهم هو حد ماسكك
وكان رد الاستاذ حمدي الاسيوط أن النيابة متعسفة في أطلاع المحامين علي ورق القضية
وطعن في كل اجراءات الضبط و التحقيق و انتفاء سبب الحبس الاحتياطي و اتهم النيابة بتعطيله عن الاطلاع على الملفات حتى اليوم
و رفعت الجلسة
و لم أعرف بما ما الحكم سوي أثناء تريحلي للسجن مرة اخري
وهي التأجيل إلي جسلة 14 نوفمبر 2012
و أثناء خروجي من قاعة المحكمة كنت اهتف تسقط الدولة الدينية , تسقط محاكم التفتيش
و ده خلي العساكر تتعامل بنوع من العنف ال شوفتوه في الصور
و كان في عسكري بيشدني من الكلابشات ال ف أيدي
و العسكري التاني المكلف بنقي كان ماسك ايدي التانية و كان ماشي في اتجاه تاني
ومكنتش عارف امشي ازاي من كتر العساكر ال كانت حواليا
و ايدي اتفتحت بشبب البهيم ال كان بيشد الكلاباشات ال ف ايدي اليمين
و اتشنكلت و وقع الشبب بتاعي و نزلوني تاني للحجز
و انتظرت هناك فترة ولم اعرف الحكم ألا بعد ما تم نقلي للسجن مرة تانية

و عشان لما نعمل بحث عن جملة :
أوقفوا محاكم التفتيش في مصر هتلاقي شوية اخبار في بعض الكلام الغير صحيح ولا دقيق نشرت الوقائع دي
أما بخصوص الشهادة الكاذبة و المبالغ فيها من المدعو جوزيف هنا ال حصل بالنص
و بخصوص الكذاب أمير تاكي دي جزيء مهم لنه بيدعي انه صديقي في ان اني لا اعرف و حذرت حبيبتي و أختي و أمي منه
و دي توضح بعض أمور عن جوزيف و أمير تاكي

ومن الجدير بالذكر أيضا :
 في اليوم ده تقريبا شوفت المدعو أمير تاكي
ملحوظة امير ده انا معرفهوش معرفتي بيه تتلخص في
كان شخص طلب صداقتي علي الفيس بوك في حسابي بتاع السياسة و قبلته عادي زي كتير معرفهومش
وكان كل شوية يعمل صورة و يعملي فيها تاج و بالأخص صور مينا دنيال
طلبت منه ميعمليش تاج تاني لأني كل تعليق بيجيلي رسالة ع الموبايل و بيوجع دماغي
و قلتلة بلاش تتاجر بموضوع مينا و تدعي انك صديقه و خصوصا أني لا شوفتك قبل كده معانا لا قبل الثورة ولا بعدها و أنه ميعرفش مينا اساسا و كبرت دماغي منه
و أول مرة اشوف المدعو امير ده في حزب الجبهه أثناء ما كنت بحضر احد اجتماعات حركة علمانيون
و كان امير داخل لحد اسمه جوزيف و المعروف عن جوزية انه بتاع ملف الأقباط و الحوارات دي
و برضة عرفت أن جوزيف ده و امير من الناس ال بتتاجر بقضيا الاقباط و ماشين في موضوع تنصير البنات .... ألخ
و للعلم كمان جوزريف ده برضة عمل قبل كده أثناء حبسي أجتماع و طلب فيه جمع تبرعات ليا لأهلي و أنا كنت محذر امي من الاول مقتبلش اي مساعدة أو تبرعات من حد
المهم : كانت في الجلسة دي و كان لازق لأمي و اختي
و كنت نبهت امي قبل كده قلتلها الشخص ميدخلش في أي شيء يخصني لأنه شخص مش محل ثقة
ولكن شغل المحلسة بتاعة كان عاجب أمي و كانت بتاخد الورق بتاعي من حبيبتي و تديله لأمير
و كمان أمير ده الصفحة ال عاملها كان فيها حوالي أقل من 2000 و كان في مجموعة تاني عاملة صفحة فيها أكتر من 5000 و فيها البوستات بكل اللغات و كانوا عاملين شغل فوق المتتاز و هما برضة ال جالهم  من أنحاء العالم بصورة و هما شايلين ورق مكتوب عليه :
FREE ALBER SABER
وطبعا أصحاب الصفحة الاساسية طلبوا من أمير أنه يضم صفحته ليهم و لكنه رفض عشان أمير كان بيستغل الصفحة دي كويس عشان برضة يعمل لنفسه شهرية و يدعي أنه صديقي المقرب و الخ من الكلام ده زي ما بيقول أنه برضه صديقي مينا دنيال و شغل الحوارارت دي
و ال أثبتلي أكتر أنه اليوم ده قالي فلانة و فلانة و فلانة بيسلموا عليك
فضحكت ساخرا و قلتله هو مفيش رجالة كلهم بنات ؟!؟
و بعد خروجي من السجن لقيت بنات كتير قالتلي ع ال عمله أمير معاهم من أنه قالهم بحبك و الحوارات دي
و أكتشفت انه مسح أرقامهم من موبايلي و كمان سرق نغم الرنين بتاعتي : " نحن غربا عك " و من هنا قطعت الشك باليقين عندي نحو هذ الشحص نهائي
و طبعا ال اثبتلي أكتر أنه كده لما خرجت و طلبت منه يعملني أدمن في الصفحة بتاعتي ال هو عاملها عملني أدمن بصلاحيات محدودة و حتي مقدرش أحط حسابي التاني ادمن
ولما كلمته قالي أنه مش هو ال عامل الصفحة و حد تاني هو ال كان عاملها و حذف أمير من الصفحة
و يكشف كدب الكلام ده أن مؤخرا أمير قام بحملة ردح و شتيمة ضدي عن حسابة الشخصي و كان بيشير كلامه ع الصفحة
طيب منين بقي كلامك بتنشر في الصفحة من الأكونت بتاعك و انا تعملي حذف من الصفحة
و كمان من العجيب في أنه في يوم ذكر لقبض عليا 13 - 9 - 2013 نشر شيء بيشتمني فيه


لما دخلت رديت ع كلامه حذف البوست بالكامل من بروفايلة و الصفحة
الغريب في الامر أن الوقت ال أتمسحت فيه الحاجات دي كان أمير بيدعي أنه حاول  ينتحر وكان في المستشفي
يبقي أكيد روحة طلعت عملت الحاجات دي بقيو بعدها رجعت تاني
عموما بروفايل أمير موجود تقدروا تشوفوا ال مكتوب في بياناته ولا منشوراته ولا حتي الاسئلة ال بتجيلة و يرد علهيا كلها تتلخض ي محورين فقط لا غير الجنس و البنات و بس

تمت 






Saturday, October 12, 2013

Hypatia Promise - وعد هيباتيا

10/12/2013 06:49:00 PM





























 أبنتي الحبيبة هيباتيا
اتعهد لك أمام ضميري
أن أوفر لك الحياة الكريمة طالما كنت حي
أن لا أفرض عليك شيء سواء بالقول أو الفعل
أن أعلمك مباديء الأنسانية و الرحمة و العطف و التسامح
أن لا أفرض عليك أي معتقدات
أن لا أعاقبك علي أفعالك أو أقوالك بل أظل أعلمك بحسب المباديء الأنسانية التي تعهدت ان أعلمها و أتعامل معك بها
أن لا أتدخل في حياتك الشخصية إلا عند طلب مشاركتي
أن أحترم كل حقوقك و حريتك مهما أختلفنا
أن أظل أحبك ﻷخر لحظة في حياتي مهما حدث ، ﻷنك تجسدين حبي أنا و أمك و لأنك جزيء مني و من أمك
أتعهد لك أمام ضميري أن أحافظ علي عهدي هذا طلما كنت حي
ألبير صابر








About Us

Recent

Random