www.ALBERSABER.com
متحرش بالعقول المغتصبة -- ثورة علي المقدسات و الموروثات

Wednesday, December 11, 2013

جلسة النطق بالحكم 12 12 2012





#حدث_في_هذا_اليوم
الأربعاء 12 12 2012
جلسة النطق بالحكم
كالمعتاد تم ترحيلي من سجن طرة إلي محكمة التجمع الخامس وسط حراسة مشددة
ثزم زنزانة افرادي ايضا في المحكمة
و هذة الجلسة تم تأجيلها من قبل " جلسة 28 11 2012 " بسبب أضراب القضاة بسبب الاعلان الدستوري بتاع محمد مرسي
و لم يتم نقلي لقاعة المحمكة لسماع الحكم ولكن عرفت عن طريق أمي و بعض زملائي التي جاؤا لزيارتي في حجز المحكمة
و لم افهم الحكم في البداية ازاي الحكم 3 سنين و كفالة 1000ج و هخرج ؟
مفهتمتش الحكم ولكن اصدقائي قالوا لي الكفالة هتدفع و تخرج خلاص و أعطوني شنطة الزيارة التي بها بعض الاكل " الفول أساسي طبعا " و عصير و مياة و سجاير .
و جاء الحرس الملف بنقلي و معه الحكم و اوراقي لتيم ترحيلي للسجن مره أخري و خرجنا الي جراج المحكمة عشان يرجعوني


















ولكنهم كانويا بيتصلوا بالسواق و الشبكة كانت مش بتجمع و في هذه الأثناء وجدت امي و بعض الاصدقاء ينادون عليا من الخارج
و حاولوا الدخول يسلموا عليا ولكن معنهم عساكر حرس البوابه و قام بشتيمتهم
وهنا تحولت ملامحي و أنفعلت و بدأت بالهتاف أرد سب هذه العساكر




و حاول الحرس المكلف بحمايتي التدخل لمنعي من الكلام دون جدوي
فأخذوني للأسفل " مكان الحجز " ولكن بدون شنطة الزيارة
و جاء أحد عساكر حرس البوابة الي وقال احدهم لي :
أنت بتشتمني أنا
فقلت له : أسب من يسب أهلي و أصدقائي
فقالي لي : ده شغلي أمنع الناس من الدخول
فقلت له : ولكن مش من حقك تشتم حد
فقام بسب أمي و أصدقائي
فرددت له الشتيمة و هنا مسك الرشاشة الخاصه به و وجهه نحو صدري
و قال للحرس الخاص بي وسعوا و خلوه يكلمني
فضحكت ساخرا منه قلت له انت جبان و متقدرش تعملها و لا نيستوا 25 يناير و محمد محمود ؟
لو كنت راجل كنت عملتها في وش الظباط ال بيامروكم بقتل اخواتكم في الشوارع و بيعملوك وقودك لمصالحهم السياسية
لو كنتوا رجالة كنتوا عملتوا في ال بيشغلكم في السخرة و خداميه عندهم
و هنا أخذوني بعيد عنه و ابعدوه و امروة بالرجوع لموقعة و شغله
و قالي لي أحدهم أنا عارفك مشاغب و بتاع مشاكل
فقلتله هو الدفاع عن حقي في وجهت نظركم شغب ؟!
و نقلوني للزنانزانة الخاصة بي مره اخري في المحكمة
و بعدها بقليل اتي رئيس حرس المحكمة و والدتي و اصدقائي لمحبي للاطمنان عليا و رجعوا شنطة الأكل و السجاير لي بعد ما اتبهدلت و اتسرق منها السجاير
حتي تم ترحيلي للسجن طره مره أخري
و هذه المرة العسكري المكلف بنقلي بعد ما اخد الحلاوة زي كل مرة مني و من امي و المحامين و كل من له صلي بي لازم يحلل مني حاجة المهم انا لما بديهم مش عشان شيء ولكني عارف ان مرتباتهم مش كفاية و للاسف دي الطريقة ال بيعرفوا بيها يكملوا عيشتهم و برضة مش اي حد منهم ممكن اديله دي بيكون علي حسب شخصيته و تعامله
المهم قلتله اني عايز استخدم الموبايل و بالفعل عشان الحلاوة سمحلي باستخدام الموبايل
و اتصلت بحبيبتي و طمنها عليا و اخبرتها اني المفروض هاخرج حلاص و هترجع تكون في حضني
دي الجلسة الوحيدة التي لم تقدر حبيبتي ان تاتي فيها بسبب ظروف عملها
و اخبرتها ان تخبر اختي بالحكم و تطمأنها عليا
و اخبرت حبيبتي ان تكون مستعده لاستقبالي لانها اول شخصية احب ان اخذها في حضني بعد خروجي
ثم اتصلت باختي و طمأنتها و طبعا اديت المخبر علبة سجاير بكون شايلها معايا من الاول تحسبا للظروف
و كالمعتاد في عملية الرجوع و في البوابة " شخ و رجع "هتلاقي في الرابط التالي بنذة عن الموضوع ده :
http://albersaber.blogspot.com/2013/12/blog-post.html


ثم هذة المرة احد المخبرين المتعصبين قال لي لابد تلبس البدلة الزرقاء خلاص أنت واخد حكم
قلتله الكفالة اتدفعت و المفروض أخرج أساسا فقال لي مالناش دعوة انت دلوقتي محكوم و هتلبس أزرق و انه هيكلم المأمور لان المخبر ده هو المكلف بتسليم ورقي له بمجرد عودتي و قالي لو في جديد المامور بنفسه هيطلبني
و لبست البدلة الزرقاء و رجعوني الي زنزانتي الأنفرادي مرة أخري
و غدا سأكمل باقي ال 5 ايام حتي تم الأفراج عني و خروجي ..... يتبع

About Us

Recent

Random