www.ALBERSABER.com
متحرش بالعقول المغتصبة -- ثورة علي المقدسات و الموروثات

Saturday, August 17, 2013

الغباء السياسي



نفس المنطق بتاع انك تضرب اعتصام رابعه و تفضه عشان تقبض علي المحرضين زي البلتاجي و المرشد و اخرين
و طبعا في الأخر محدش قبض عليهم مش مشكلة
هو هو منطق انك تضرب جامع عشان مستخبي فيه ناس بتقول عنهم ارهابيين او مسلحين او غيره

نفس منطق غبي وهو
عندك طيارة فيها 10 أرهابيين و معاهم 100 رهينه و معاهم ريموت لعدد من القنابل في اماكن كتير في بلدك
تقوم الحكومة العبقريه تفجر الطيارة عشان تخلص من الارهابيين و القنابل
طبعا ال 100 الرهائن ماتوا و للارهابيين اتباع هيفجروا القنابل ال في بلدك
ده غباء حكومي و سياسي من الدرجة الأولي
طيب طالما الشرطة مش عارف تحمي اقسامها و لا الكنايس راحت ليه تفض اعتصام مش هتقدر علي رد فعله

و حضرتك السيسي ال الخرفان فوضته لمحاربة الأرهاب قاعد بتفرج علي الاقسام و الكنايس و هي بتضرب ؟

و للزعلان علي الكنايس ال بتضرب ادي الجوامع كمان بقت تضربا علنا
الحكومة هي المسؤل الأول لكل ما يحدث

و أمبارح اهالي ناس ميته حولين الجامع يتضربوا كده
 

شفتوا ترخيص الداخلية بضرب الرصاص الحي علي طول ممكن يسبب في ايه
 

شفتوا التفويض ؟

رايحين يضربوا ناس اقاربهم ميته و مش عارفين يحموا الكنايس و المسيحين
معلش لما الداخلية دي معرفتش تحمي اقسام الشرطة بتاعتها
حكومة وسخه و معرصة فعلا و ال يؤيدهم يبقي زيهم


و مسيره يحصل معاكم كل ال انتوا فرحانين بيه ده
كله سلف و دين


عشان قلنا لو تم فض الأعتصام بالقوه لا المعتصمين ال اتضربوا ولا المتضامنين معاهم هيسكتوا و يكون مبرر ليهم استخدام العنف
يعني انتوا السبب بغبائكم فيما يحدث الأن
و بالمصري كده ال حضر العفريت يصرفه بقي
و الناس ال بتسأل عن حلول
اولا مش مشكلتي انك مش لاقي حل جيد للمشكلة دي مسؤليتك اولا و أخيرا

و برضه عدم قدرتك علي أيجاد حل مش هبرر استخدام لحلول دموية و غبيه

من وجهت نظري لحل أزمة اعتصام رابعه
هو التفاوض و ايجاد حلول سلمية او يا سيدي حتي اضحك عليهم لحد ما تقدر تفض الأعتصام
ولو لم تستطيع أن تصل معهم لتفاوض ممكن تسيبهم ايه المشكلة
احنا كتير جدا كننا بنعتصم في ميدان التحرير ولا حد بيستجيب لأعتصامنا لحد ما كان الأعتصام بقعد لشهرين و أكتر و بعدها الناس بتمل و بتروح
يعني في مليون حل بدون ما تقتل الناس و تنشر الفوضي و الأرهاب في البلد

حذرنا كتير أن فض الأعتصام بالقوة هيخلي المعتصمين و اهاليهم و المتضامنين معاهم يستخدموا العنف و السلاح ردا و دفاعنا عن ال حصل معاهم
و ما حذرنا منه يحدث الأن بالنص

هل اعترفت و عرفت الأن أن ماحدث و يحدث هو غباء حكومي و وسياسي من الدرجة الأول ؟
و كلمه للناس ال شمتانه و فرحانه ب ال بيحصل دلوقتي
متنساش انك و أنت بتقول فكروا الأخوان بوساختهم و ال كانوا بيهملوه
حضرتك دلوقتي بتككر نفس ال بيعملوه بالنص
يعني مفيش فرق بينكم و بينهم
انتوا الاتنين دلوقتي واحد
و برضه متنساش أن الأخوان زي ما كانوا بيفرحوا فينا جه الدور عليهم بنفس ال كانوا بيعملوه
يعني ال انت بتعمله دلوقتي هيجي اليوم و الدور عليك
بلاش تكرر الغباء بتاعهم
و الناس بتقولي لازم تاخد موقف أما تكون مع الجيش و الشرطة أو تكون مع الأخوان
و طبعا ردي هيكون عليهم بسؤال يوضح غبائهم و منطقهم
لو خيرتك أفقع عينك اليمين ولا الشمال تختار ايه
و هنا هأجاوبك العسكر ولا الأخوان
لا تفقع عيني اليمين ولا عيني الشمال
لا عسكر او شرطة ولا أخوان
العسكر فاشية عسكرية و الأخوان فاشية دينية
لا هاتنازل عن حريتي بأسم الأمن
ولا هتنازل عن الأمن بأسم الحرية
الحرية و الأمن حقوق لا أستطيع أن اتنازل عن أي منهم

عايزين دولة تطبق المباديء و القانون علي المؤيد و المعارض
لانك لو مؤيد دلوقتي ممكن بكرة تبقي معارض و العكس صحيح
القانون يكون بيحترم الجميع و يفور لهم الأمن و الكرامه سواء مؤيد أو معارض
و صحيح ال بتقبله النهارده بكرة هيبطق عليك

فكر كويس في ال أن بتعمله أو تقولة لأنك محسوب عليك

و أخيرا لو بتصدق كل حاجة بتسمعها او بتقرائها يبقي لا تسمع ولا تقراء شيء

حاول تستخدم عقلك و بشكل محايد في كل شيء بيدور من حولك
يعني مثلا كل حاجة دلوقتي بتحصل الأخوان هما السبب رغم ان ممكن يكون العكس تماما
و برضه زي ما كل شوية نسمع القبض علي فلان و فلان و فلان
و بعد شوية تلاقي أن المفروض انهم مقبوض عليهم بيعملوا مؤتمرات و بيتكلموا ولا حصلهم اي شيء
بلاش تكون أعمي عشان بس مختلف مع حد او فئه
من فضلكم أستخدموا عقولكم و أرحمونا بقي





About Us

Recent

Random